Goeiedag Centurion Teater Nuusbrief Vriende,
Hier by die teater gons dit soos in 'n byenes in die lente! Daar is so baie vertonings en kaartjies verkoop so vinnig, dat die lente dalk werklik in die lug is.
Amanda Strydom se “Diva” (30 + 31 Jul) verplaas ons na die kleedkamer van die chanteuse, Beatrice le Sur en sy deel met ons haar herinneringe van 'n glansryke teater verlede “en kyk na die verganklikheid van die lewe en die kosbaarheid van die estetiese”. Daar is baie min kaartjies kaartjies oor, bespreek sommer nou!
Ons sien nou ook uit na twee weke saam met Nataniël. Wat 'n heerlike vooruitsig! Hy tree soos altyd op saam met die briljante musikante Charl du Plessis (klavier) en Juan Oosthuizen (kitaar). “Songs for August” is hier vanaf 4 – 7 Aug en 10 – 14 Aug en kaartjies vlieg!
Op 16 Aug bied ons die eerste amptelike konsert aan van “Karoo, nie net 'n landstreek nie”. “Dit raak vrek warm in ‘n motor oppad Kaap toe in die somer, veral wanneer jy die Karoo so in die middel van die dag tref. Die Karoo was al die inspirasie vir heelparty Afrikaanse liedjies, waarvan sommige al kultuurskatte geword het. Daar is selfs ‘n restourant na die Karoo vernoem. En nou is daar die orkes KAROO, nie so droog soos die landstreek nie, maar beslis so warm en net so lekker soos die kos in die restourant met dieselfde naam. Waar kom die idée van KAROO vandaan? Wouter van de Venter, al jare ‘n gesoute musikant sedert sy eerste album Voel Vere in 1996 verskyn het, vat ‘n lang teug aan sy sigaret: “Ek wou al lankal ‘n band bymekaarmaak met liedjieskrywers, en nou het ek, maar die main ding is die fluweelstemme van Carle van Deventer en MD Greyling, Pieter het bekend geword vir sy FAK songs maar min mense weet hy is ook ‘n mean kitaarspeler, en dan het ek ook redelike vlytige vingers!” sê Wouter. Vier liedjieskrywers bymekaar wat hul mees suksesvolle songs bymekaarsit – Ek roep jou naam van Wouter self, Binne my en Duisend Bottels van MD Greyling, Pieter Smith se gewilde Blomme, en Carle se Nog reels asseblief en Miss April Fool. KAROO sing egter ook ‘n paar liedjies van ander komponiste soos Swart Piet van Myburgh Grobbelaar, Draadkar oor die see van Lize Beekman, Crowded House se Better be home soon, Crazy little thing called love van Queen, en dan is daar ook nog songs van Neil Diamond en ons eie Karen Zoid.”
Nog 'n splinternuwe konsert reeks word by Centurion Teater in samewerking met Beeld aangebied nl Skrywers en Digters vanaf 18 – 22 Aug. “Sit vier van die land se beste Liedjieskrywer-sangers bymekaar, kombineer dit met die gedigte van een van ons land se mees bekroonde digters se gedigte en jy het ‘n week gevul met keurige woorde en soet klanke wat jou van vooraf sal laat verlief raak op Afrikaans. Vanaf 18 tot 21 Aug sal die vier sangers Coenie De Villiers, Jak de Priester, Andries Bezuidenhout, Herman van den Berg afsonderlik weereens vir ons wys waarom hulle soveel sukses al behaal het in hulle onderskeie loopbane. Coenie de Villiers se rits treffers met hulle soet smaak van sensuele nostalgie, Jak de Priester met die onoortreflike manier, om die mense om ons te beskryf in ‘n eietydse taal. Andries Bezuidenhout met sy eenvoudige dog diep intellektuele styl en Herman van den Berg, wat jou kan wegvoer met sy meesterlike melodieë. 22Aug by ‘n heerlike laat wintermiddag konsert, kombineer ons hierdie vier meesters se liedjieskryf talent met een van Suid Afrika se grootste digters, Antjie Krog. Antjie Krog se Afrikaanse woord SKAT nalatenskap, word deur hierdie skeppende kunstenaars getoonset. Viva, woord en melodie! Daar is n’ 10% afslag as jy vir 2 of meer konserte kaartjies koop vir die week.”
Bespreek ook betyds vir David Fourie se eerste vertoning by Centurion Teater op 25 Aug. “Hy stel bekend ‘n kant wat min mense al gesien het, met klavier en akoestiese kitaar. Die produk is ‘n intieme ervaring met hierdie kunstenaar wat homself al gevestig het as ‘n gunsteling in Suid-Afrika se musiek bedryf. Die aand sluit natuurlik ook sy grootste treffers in!”
Kom lag ook weer saam met ons briljante en gewilde komiese aktrise Marion Holm met haar nuutste vertoning “Met die Holm gebore” (27 + 28 Aug). Gooi ‘n leeftyd se kyk, luister en voel saam’t ‘n neus vir stories uitsnuffel, ‘n kop vir stories maak en ‘n tong vir stories vertel en jy’s amper daar, maar ongelukkig sal jy nooit werklik “daar” kan wees nie, want jy’s nie met die HOLM gebore nie! Slegs Marion is met die HOLM gebore. Julle ken vir Sussie ... ontmoet nou vir Marion.”
Ons begin September en Lentedag met Jennifer Zamudio (1 Sept). “'n Musikale oorsig ter viering van tien jaar in die Afrikaanse musiekbedryf. Jennifer gaan jou oorweldig met groot gunstelinge uit haar loopbaan.”
Dit is verseker 'n tyd van eerstes! Rudi en Corlia kom vir die eerste keer op 2 Sept hier optree en besprekings stroom reeds in. “Rudi en Corlea, ook bekend as Suid Afrika se lieflinge gaan treffers uit hulle nuutste CD “Drome” doen asook van die liedjies wat aan hulle platinum status en vir 30 weke lank 'n plek op SA top 20 besorg het.”
3 Sept is Helene Bester uiteindelik weer terug. “Van Bester se nuutste liedjies word gesing! Van daar die Titel: “Splinternuut”. Lewendige begeleiding nl Mariëtte Galjaard, Heinrich Pelser, Lafras vd Watt.”
Op 4 Sept: Helene Hettema, en soos Pretoria News berig: “ “And boy, can she sing. Hettema has a voice that ranges from crushed silk to wet gravel and she uses it with sensitivity and skill…great opportunity to see one of South Africa’s finest performers in action!” Peter van der Merwe – Pretoria News. Op 9 Maart het Helena haar eerste DVD, Helena Hettema Alive geskiet tydens ‘n lewende vertoning in die Centurion Teater en is nou terug op 4 September met ‘n lewende opvoering van sommige van die 30 liedjies op die DVD. Die DVD wat in Junie vanjaar vrygestel is, is met lof ontvang en verkoop soos soetkoek. In die vertoning word sy deur haar briljante pianis, André Wessels begelei. Haar pa sing ook Mooi Amsterdam en Unforgettable wat ook op die DVD is. Helena sing van haar mees bekende kontinentale liedjies soos die van Piaf,(La Vie en Rose, Non, je ne Regrette Rien) Brel, (Port of Amsterdam, Mariek), Diettrich, Paolo Conte en Albinoni (Italiaans), Leonard Cohen se Dance me to the end of Love, en ‘n nuut geskrewe liedjie (Goodbye to the Living) waar sy haarself op die klavier begelei. Daar is ook Toemaar die Donker man van Ingrid Jonker en die gewilde Rooiwynliefde, ‘n nuwe Afrikaanse liedjie, geskryf deur Marianne Venter en getoonset deur Christa Steyn. Die werk van liedjieskrywers soos Chris Torr en Anton Goosen,( Helena was ‘n lid van sy Kommissie van Ondersoek) kan ook gehoor word, en ‘n tikkie jazz met nommers soos Sway en Summertime.”
Vertonings wat ook vinnig verkoop is Robbie Wessels (8 Sept), My Sarie Marais (10 + 11 Sept) en Nianell (17 Sept).
Kom vier die Lente saam met ons met uitstekende vertonings, heerlike kos van ons nuwe puik “On Stage” restaurant en net die beste wyne van Di’Vine Wine Cellar, ons gesellige wynkelder.
Groete
Paulette
Besprekings nommer: 012 664 7859
Faks nommer: 012 664 5978
www.centurionteater.co.za
Kantoor ure Maandag tot Vrydag 09:00 – 16:30
